Badi bewafa hain ye barsaatein,
Bin bataye chali aati hain...
Sambhalne ka mauka nhi milta,
Badi betaabi se gale lagati hain...
Tan ko bhigokar, mere mann ko dubokar,
Na jaane kahan gum ho jaati hain...
Badi bewafa hain ye barsaatein,
Bin bataye chali aati hain...
In baarish ki boondon mei tera aks dikhai deta hai,
In behti hawaon mei tera har lafz sunai deta hai,
Ye barsaatein teri bheeni khushboo bhi to laati hain,
Kambakht tere na hone ka pal pal ehsaas karati hain....
Badi bewafa hain ye barsaatein,
Muje bada tarsaati hain...
Pehle lipatkar, fir bichadkar,
Muje bebas sa kr jaati hain...
Reh reh kr na jaane kyun, teri yaad dilati hain....
Badi bewafa hain ye barsaatein,
Muje fir tanha kr jaati hain...
Muje fir tanha kr jaati hain...
